Horto ecolóxico

Unha das actividade propostas neste curso para todo o alumnado foi a creación dun horto ecolóxico. O alumnado, de xeito coordinado, foi o encargado de levar a cabo esta labor coa axuda dos mestres. Para comezar foi preciso: un estudo previo do terreo (valorar aspectos como a luz e ventilación), seleccionar as especies que se ían empregar, abonar o espazo e comezar co proceso de plantación. 

 As especies escollidas para o noso horto foron: allos, chícharos, escarolas, repolos e nabizas. Aquí vos deixamos unha mostra para que vexades como van crecendo!

Con este proxecto pretendemos fomentar o traballo en equipo, inculcar valores de respeto e coidado da natureza, infundir a importancia da responsabilidade, favorecer unha alimentación sa e equilibrada e potenciar o cultivo de plantas autóctonas. En definitiva, unha actividade que require moito esforzo e paciencia, pero da cal podemos aprender moito!.

Noraboa a todos/as polo voso horto!