O entroido está a piques de
chegar a todas as vilas do país, é en especial, a Vilariño de Conso.
O xoves 21 de febreiro, o alumnado,
as familias e dúas mestras do centro emprenderon rumbo ó “CEIP Padre Crespo” de
Xunqueira de Ambía para contarlles os nenos e as nenas deste colexio a
singularidades que fan único o entroido de Vilariño de Conso.
O trato recibido no centro foi
esquisito; e grazas ó profesorado, ó alumnado, á cociñeira e demáis persoas que
asistiron puidemos gozar dunha xornada de aprendizaxe mutuo.
Os pais e a nai que participaron
na actividade foron os encargados de mostrar os traxes de boteiros e máscaras
característicos dalgúns pobos de Vilariño de Conso, os instrumentos que compoñen
os seus folións e de contar a experiencia persoal que supón preparar, organizar
e participar nun acontecemento tan especial.
O profesorado do centro quere agradecer o CEIP Padre Crespo, e en especial a Paula (antiga mestra do noso centro) e ao seu director Xavier, a súa amabilidade e acollemento nesta xornada de convivencia entre centros. Por outro lado, tamén queremos dar as grazas e a noraboa as familias pola súa entrega, dedicación e por facernos partícipes dunha tradición cultural tan fermosa.
No hay comentarios:
Publicar un comentario